Asnje shkolle ne rrethin e Fierit vec shkolles me te re 9 vjecare “Kristaq Shtembari” ndertuar sivjet, nuk eshte me sistem ngrohjeje. Nxenesit e te gjitha cikleve edhe kete vit akademik do te perballen me te ftohtit e ketij dimri. Ne qytetin e Fierit funksionojne 10 shkolla 9 vjecare te cilave u mungon krejtesisht sistemi i ngrohjes. E vetmja mundesi ngrohjeje per nxenesit eshte te vishen trashe, nje praktike kjo e perhershme qe nuk eshte shume komode ne bangat me 3 nxenes per shkak te mbingarkeses.
Sistemi i ngrohjes me energji elektrike eshte i pamundur per te gjitha shkollat, pasi te gjitha keto institucione jane debitore ndaj KESH-it, pavaresisht se kabineti pedagogjik, nxenesit dhe prinderit e tyre shprehen se sistemi i ngrohjes eshte i domosdoshem per te gjitha klasat. “Ngrohje kemi vetem xhupat dhe fshehurazi mund te mbajme nje rezistence te sjelle nga shtepia - pohon nxenesi i klases se 8 te shkolles 9 vjecare “Andon Xoxa”, Gejdo Naci Drejtori i shkolles 9 vjecare “Andon Xoxa”, Remzi Kalemi pohon, se keto ditet e para kur temperaturat kane rene papritur dhe ndryshimi i madh i klimes eshte ndjere qe ne fillim tek nxenesit. Po e te njejtit mendim eshte edhe drejtorja e shkolles 9 vjecare “Naim Frasheri”, Irma Spahiu e cila shton se edhe pse shkolla ku ajo drejton eshte e rikonstruktuar, sistemi i ngrohjes nuk funksionon.
”Nxenesit perpiqen qe te sjellin vet ndonje rezistence apo reflektor, por duke e ditur qe ne kemi edhe nje fature goxha te shtrenjte per te paguar ndaj KESH-it, dhe ujesjellesi, edhe ketu duhet te kemi pak kujdes, sepse ne nuk na lejojne normalisht qe te bejme ngrohje nepermjet energjise. Sipas drejtores ekonomike te arsimit ne Fier, Mimoza Moci, per kete vit akademik eshte e pamundur te sigurohet sistemi i ngrohjes, ndersa ne kopshte dhe cerdhe ky system funksionon. ”Jane marre te gjitha masat per te siguruar ngrohjen e ketij viti ne kopshte dhe cerdhe duke i furnizuar ato me lende drusore, ndersa per sa i perket shkollave, vec shkolles se re qe e ka sistemin e ngrohjes me kaldaja, ne nuk kemi fonde sepse e kemi tejkaluar me shpenzimet e energjise elektrike vitin e kaluar - ka thene Moci. Bashkia eshte duke bere projekte per ngrohjen me kaldaja dhe besoj se do te kete nje zgjidhje” Me gjithe rikonstruksionin qe eshte bere thuajse ne te gjitha shkollat e Fierit, sistemi i ngrohjes me gjithe temperaturat e ulta te dimrit, nuk ekziston.
Gazetare per Fieri.com Aurora Damini
